Калі ласка ў бібліятэку
Вось і праляцела неўзаметку лета, адзвінелі званочкамі школьныя лінейкі. Наступіў новы навучальны год, хлопчыкі і дзяўчынкі пацягнуліся за новымі кнігамі ў бібліятэку.
Не засталіся ў баку і першаклашкі.
12 верасня дружнай сямейкай у суправаджэнні класнага кіраўніка Катужэнец Таццяны Васільеўны прыйшоў у дзіцячы аддзел бібліятэкі імя Янкі Купалы на экскурсію-гульню “Калі ласка ў бібліятэку” 1В клас СШ №8.
Бібліятэкар пазнаёміла новых чытачоў з размяшчэннем залаў, супрацоўнікамі, правіламі выдачы кніг і паводзін у бібліятэцы, незвычайнымі кнігамі. Асабліва спадабаўся першакласнікам зала творчай майстэрні «Рознакаляровыя далонькі» з прадстаўленымі ў ім вырабамі.
Дзеці разам ўспомнілі прачытаныя кніжкі і казачных персанажаў, адказваючы на пытанні віктарыны, адгадвалі загадкі і вырашалі блытаніну ад гарэзы Нязнайкі, перадыхнулі з фізкультхвілінкай.
На памяць аб экскурсіі бібліятэкар падарыла кожнаму візітоўку дзіцячага аддзела і маленькі падарунак.
Адказная: Табунова А. У.
