З Днём бібліятэк
11 верасня ў дзіцячым аддзеле бібліятэкі №3 імя Я. Купалы ў рамках свята прайшла экскурсія “Рады мы заўсёды сябрам! Запрашаем у госці да нас!”. На ёй прысутнічалі вучні СШ №8, 1 “В” класа.
Ужо стала добрай традыцыяй адзначаць Дзень бібліятэк цікавымі мерапрыемствамі, акцыямі і гульнямі.
У час экскурсіі першакласнікі паслухалі асноўныя правілы карыстання бібліятэкай, пазнаёміліся з кніжнымі выставамі і цікавымі кнігамі.
Дзеці прынялі актыўны ўдзел у віктарыне “Усе казкі ў госці да нас”, адгадалі загадкі “Герояў казак адгадай без падказак”, выканалі заданні “Успомні сябра героя” і “Расшыфруй імя”. Весела і цікава прайшлі гульні “Дапоўні імя”, “Кніжкі-чараўніцы” і “Казачная вясёлка”. Хлопчыкі і дзяўчынкі назвалі свае любімыя кнігі, успомнілі казачных герояў.
Дзеці даведаліся пра новыя і “незвычайныя” кнігі нашай бібліятэкі. З вялікім задавальненнем перагарнулі іх старонкі.
Адказная: Ляўшыцкая І. П.
