Бібліятэка ад А да Я
12 верасня ў дзіцячым аддзеле бібліятэкі імя Янкі Купалы было праведзена яшчэ адно святочнае мерапрыемства. Вучні 4 “В” класа СШ №8 былі запрошаны на прэзентацыю “Бібліятэка ад А да Я”.
Вядучая раскрыла школьнікам сакрэты прафесіі бібліятэкара. Яны даведаліся, што бібліятэкар у перакладзе са старажытнагрэчаскай мовы азначае “захавальнік кніг”, які добра ведае літаратуру, умее размаўляць з дзецьмі, дапамагае ім стаць добрымі і ўмелымі чытачамі. Ён параіць, што пачытаць, навучыць выбіраць кнігі і знаходзіць іх на кніжных паліцах. А яшчэ ён сочыць за тым, якія новыя выданні з’явіліся для дзяцей, і заказвае іх для бібліятэкі праз аддзел камплектавання. Бібліёграф арганізуе працу бібліятэкі: апісвае новыя кнігі, складае каталогі, займаецца даведачна-бібліяграфічнай і навукова-інфармацыйнай працай.
Вядучая расказала нашым гасцям і пра даведачна-бібліяграфічны апарат бібліятэкі. Са з’яўленнем кампьютараў у бібліятэцы быў створаны электронны каталог кніг, электронная картатэка артыкулаў і электронная краязнаўчая картатэка. Важнай часткай працы бібліятэкара з’яўляецца арганізацыя выстаў.
Бібліятэка — гэта яшчэ і месца правядзення самых розных мерапрыемстваў. Бібліятэкары арганізуюць сустрэчы з таленавітымі і знакамітымі людзьмі, праводзяць гутаркі, гульні, літаратурныя віктарыны, бібліяўрокі.
Дзякуючы медыяпрэзентаціі школьнікі даведаліся, што бібліятэкар павінен валодаць энцыклапедычнымі ведамі, быць дасведчаным, адукаваным, энергічным, творчым чалавекам і заўседы ісці ў нагу з часам, а магчыма і крыху наперадзе. Менавіта такія бібліятэкары працуюць у нашай бібліятэцы.
Адказная: Кукштэль І. Я.
