На кожнай сцяжынцы іх песня і голас

16 і 17 лістапада ў дзіцячым аддзеле бібліятэкі імя Янкі Купалы ў рамках праграмы “Далучыць да роднага слова” прайшла літаратурная вандроўка “На кожнай сцяжынцы іх песня і голас” (да 135-годдзя з дня нараджэння Янкі Купалы і Якуба Коласа).

На ёй прысутнічалі вучні 3 “В” класа  ДУА “Сярэдняя школа №8 г. Полацка” і 4 “А” класа ДУА “Сярэдняя школа №6 г. Полацка”.

Ёсць паэты, творчасць якіх мае сусветнае значэнне. Да такіх паэтаў належаць Янка Купала і Якуб Колас – вялікія нацыянальныя паэты Беларусі.

У час мерапрыемства дзеці пазнаёміліся з жыццёвым і творчым шляхам знакамітых паэтаў, перагарнулі старонкі вядомых кніг, адказалі на пытанні віктарыны ведаў “Твае песняры, Беларусь!”.

З вялікім задавальненнем вучні прынялі ўдзел у літаратурных гульнях і конкурсах: “Складзі назвы вершаў”, “Адгадаем-парыфмуем”, “Азбука твораў”, “Пазнай верш”, “Вершы Янкі Купалы і Якуба Коласа – чытаем разам”. Хлопчыкі і дзяўчынкі падбіралі рыфму, прыгадвалі, пазнавалі, выразна чыталі любімыя вершы.

Затым дзеці паспяхова выканалі заданне “Злучы назву верша з іменем яго аўтара” і разгадалі крыжаванку “Нашы песняры”. Да мерапрыемства была аформлена кніжная выстава “І з усмешкай, і усур’ёз”.

Адказная: Ляўшыцкая І. П.

Понравилась статья? Поделитесь ей с друзьями:

Добавить комментарий