Бібліятэчны церамок
25 студзеня у ДУА “Цэнтр карэкцыйна-развіваючага навучання і рэабілітацыі Полацкага раёна” да дзетак з абмежаванымі магчымасцямі здароўя прыйшоў у госці “бібліятэчны церамок”.
Да маленькіх чытачоў завітаў супрацоўнік бібліятэкі імя Янкі Купалы і прынёс з сабой шмат цікавых новых кніг. Для выхаванцаў карэкцыйнага цэнтра было праведзена мерапрыемства “Шмат таямніц хавае КНІГА”.
Дзеці былі вельмі радыя сустрэчы з бібліятэкарам. Хлопчыкі і дзяўчынкі з задавальненнем слухалі чытанне апавяданняў, вершаў. Гарталі старонкі кніг, разглядалі маляўнічыя ілюстрацыі, новых герояў. Адгадвалі загадкі пра поры года, адказвалі на пытанні. Усім было вельмі цікава.
Размаўляючы з асаблівымі дзецьмі, вучышся ў іх цярпенню і спагадзе, уменню радавацца жыццю, смяяцца! Гэта такая ўнікальная магчымасць — вярнуцца ў дзяцінства.
Кніга змяняе жыццё дзяцей-інвалідаў, дорыць радасць, з’яўляецца выдатным стымулам для іх далейшага самаразвіцця. Дык няхай нашы маленькія сябры, дзякуючы ўвазе і клопату, стануць хоць ледзь-ледзь больш шчаслівымі!
Адказны: Татарчук Н. В.
