Падарожжа ў краіну Разумнікаў
5 снежня ў бібліятэцы-філіяле №5 ў рамках праекта “Падарожжа ў краіну Разумнікаў” прайшла чарговая гульня-падарожжа, у якой удзельнічалі дзеці дашкольнага ўзросту з мікрараёна Грамы – “Апекуны зямнога жыцця”.
Падчас гульні наш вясёлы паравозік спыніўся на трох станцыях.
На станцыі “Незнаёмыя істоты” дзецям для прагляду была прапанавана мультымедыйная прэзентацыя “Беларускія міфічныя істоты – апекуны зямнога жыцця”. Хлопчыкам і дзяўчынкам было цікава даведацца аб такіх істотах як Бялун, Жыцень, Зюзя, Жыжаль, Ляля, Цёця, якую ролю адыгрывалі яны ў жыцці нашых продкаў.
На станцыі “Гарэзлівая” была развучвана беларуская народная гульня “Зюзя, Зюзя, я цябе баюся!”.
На апошняй станцыі дзецям была прапанавана магчымасць праявіць творчасць: яны па ўяўленню малявалі беларускія міфічныя істоты.
Адказны: Баганько Я. Ю.
