Дзень сяброў
5 жніўня бібліятэку імя Янкі Купалы – філіял № 3 наведалі выхаванцы летняга школьнага лагера ДУА “Сярэдняя школа № 6 г. Полацка”.
Сустрэча была прысвечана Дню сяброў. Напачатку мерапрыемства бібліятэкар Трафімава М. А. распавяла вучням гісторыю свята.
Пасля гэтага хлопчыкі і дзяўчынкі сумесна з вядучай узгадалі, што кожны галоўны персанаж той ці іншай кнігі мае аднаго або некалькі сяброў. Таксама дзеці разважалі на тэму “Каго можна назваць сапраўдным сябрам?”.
Акрамя таго, дзеці даведаліся, што сяброўства можа існаваць не толькі паміж людзмі, але і паміж жывёламі. Прыемным бонусам стала магчымасць парухацца пад вясёлую музыку.
У канцы мерапрыемства маленькіх гасцей чакаў прагляд фрагментаў з самых вядомых тэматычных фільмаў і мультфільмаў.
