Этнаграфічная вандроўка

1 снежня вучні 3 “Б” класа ДУА “Сярэдняя школа № 10 ім. Ул. Азіна” завіталі ў дзіцячую бібліятэку ім. Л. Талстога – фiлiял № 1.

Супрацоўнікі бібліятэкі запрасілі іх адправіцца ў этнаграфічную вандроўку “Беларуская хата дзівосамі багата”.

Трэба ведаць – сэрца просіць,

Як дзядам, бацькам жылося…

Як сахой даўней аралі,

 Як смыком зямлю бярлялі,

Як з сявалкі збожжа-зерне

Рассявалі чорнай жменяй…

Трэба ведаць, што зазналі,

Як на пана працавалі…

Трэба ведаць і пра тое,Апраналі што? Якое?..

Бібліятэкар пазнаёміла дзяцей з сялянскім побытам нашых продкаў, асноўнымі рэчамі, іх ужываннем і выкарыстаннем у сялянскай хаце. Дзеці даведаліся (а некаторыя і ўпершыню ўбачылі), што такое маслабойка, пранік, павук, калаўрот, качалка, валок, прасніцаі іншыя рэчы.

Усю вандроўку суправаджалі слайды прэзентацыі, відэаролікі аб побыце беларускага селяніна. З зачараваннем праслухалі вучні урывак калыханкі Н. Фауставай “Гушкі”.

Пазнаёміліся вучні і з традыцыйнай вопраткай беларусаў, тканінамі, абуткам. Вельмі спадабалася вучням насіць карамысла з вёдрамі вады. З ахвотай дзеці выконвалі заданні на мальбертах: “Перакладзі назвы прылад працы”, “Суаднясі адзенне і фота”, “Сцёртыя літары”.

Самым цікавым для рабят стаў конкурс “Патанчым разам”, у ходзе якога яны дзяліліся на пары, кожнай з якой быў дадзены пэўны рух для пастаноўкі танца.

Дзеці весела і яскрава танцавалі пад песню “Лявоніха”. На працягу свята панаваў пазітыўны настрой і дзеці даведаліся шмат цікавага.

Понравилась статья? Поделитесь ей с друзьями:

Добавить комментарий