Дзень здароўя
18 сакавіка ў бібліятэцы імя Я. Купалы — філіял № 3 была праведзена квэст-гульня “Дзень здароўя”.
Квэст-гульня была праведзена у чытальнай зале ў рамках інфармацыйна-прафілактычнага праекта “ВУЧЫМСЯ БЫЦЬ ЗДАРОВЫМІ” для юных чытачоў бібліятэкі.
Дзень здароўя — гэта нагода задумацца, як шмат значыць здароўе ў жыцці, і вырашыць, што трэба зрабіць, каб яго захаваць і ўмацаваць.
Разам з бібліятэкарам дзеці падарожнічалі па станцыях, дзе яшчэ раз пагаварылі аб фактарах здаровага ладу жыцця: асабістай гігіене, рэжыме дня, правільным харчаванні, станоўчых эмоцыях, неабходнасці заняткаў фізкультурай і спортам.
На кожнай станцыі ўдзельнікаў гульні чакалі заданні, з якімі яны паспяхова справіліся. Выкананне кожнага задання ацэньвалася ў балах. Пасля падвядзення вынікаў удзельнікі атрымалі прызы.
Падрыхтавала і правяла мерапрыемства Бехунова Н. Ф.
