За бяспеку разам
26 красавіка бібліятэку імя Я. Купалы — філіял № 3 наведалі вучні 2 “Б” класа ДУА “Сярэдняя школа № 8 г. Полацка”.
Увазе школьнікаў была прадстаўлена інфармацыйная гадзіна “Агонь – сябр і агонь – вораг”. Мерапрыемства было праведзена ў межах рэспубліканскай акцыі “За бяспеку разам”.
Напачатку мерапрыемства вучні ўзгадалі, што агонь можа быць вельмі карысным для чалавека, бо з яго дапамогай можна прыгатаваць ежу, сагрэць жытло, вырабіць посуд і інш.
Потым бібліятэкар нагадала, што агонь можа быць вельмі небяспечным для чалавека і прыроды і прапанавала паразмаўляць пра пажары.
Спачатку дзеці паспрабавалі самастойна даць азначэнне слову “пажар”. Затым яны паглядзелі мультфільм пра лясныя пажары і адказалі на пытанні па змесце.
На мерапрыемстве была нададзена ўвага і кніігам з бібліятэчнага фонду. Бібліятэкар прапанавала дзецям гульню, у межах якой хлопчыкі і дзяўчынкі па невялікаму ўрыўку ўзгадвалі назву і аўтара твора.
Потым школьнікі паглядзелі мультфільм, які быў прысвечаны пажарам у хатах і кватэрах.
Школьнікі пераканаліся, што асноўная прычына ўсіх пажараў – гэта чалавек.
Каб замацаваць атрыманыя веды, бібліятэкар папрасіла маленькіх гасцей знайсці памылкі на прапанаваных малюнках.
У канцы мерапрыемства дзеці яшчэ раз агучылі тэлефонныя нумары пажарнай службы.
Падрыхтавала і правяла Рудакова Н. М.
