Дзіцячая бібліятэка імя Я. Журбы, філіял №6

БЕЛ  |  РУС

Пачынаецца наша гісторыя з 1952 года… Маленькі пакойчык у драўляным доме, кніжны фонд – 500 экзэмпляраў, а чытачоў – усяго 240 чалавек.

З 1964 года наша бібліятэка перасялілася ў прасторны дом ля дарогі, які і да сённяшняга дня прыветліва сустракае сваіх чытачоў. 2 чэрвеня 1964 года бібліятэцы прысвоена імя Янкі Журбы.

Сучасныя паказальнікі работы нашага філіяла ўжо не такія сціплыя як калісьці: кніжны фонд – 23 000 экзэмпляраў; чытачоў – 1250 чалавек. Штогод бібліятэку наведваюць 8 000 чалавек.

А наведваюць нашу бібліятэку не толькі вучні 5, 12 і 14 школ, але і дашкольнікі  дзіцячых садкоў, якія знаходзяцца побач. Некаторыя дзеці, што жывуць у іншых мікрараёнах горада, па старой памяці, усё яшчэ звяртаюцца да нас.

У верасні 2003 года пры бібліятэцы пачаў сваю дзейнасць дзіцячы лялечны тэатр «Церамок». Вучні  БШ №5  з задавальненнем прымаюць удзел у пастаноўках.

Прыходзьце да нас у госці! Наш утульны і знадворку, і ўнутры дом – бібліятэка заўсёды адчынены для сяброў.